Alatriste

Sinopse: Na España Imperial do século XVII, Diego Alatriste, valoroso soldado ao servizo da súa maxestade, combate nunha guerra nas frías terras de Flandes. Nunha emboscada dos holandeses, Balboa, amigo e compañeiro de armas, cae ferido de morte. Alatriste escoita dos labios do seu amigo unha última petición e promete cumprila: coidará do seu fillo Iñigo e afastarao do oficio de soldado. Ao seu regreso a Madrid, Alatriste encóntrase cun imperio moribundo. A mesma España na que Quevedos e Góngora escriben os seus versos, Velázquez pinta os seus cadros, e Lope de Vega estrea as súas comedias, esborrállase ante a impasibilidade do seu Rei. A corte de Felipe IV, dominada polas intrigas e a corrupción, é manexada ao seu antollo polo Conde Duque de Oliveirais, co apoio da Santa Inquisición. O propio Alatriste, que malvive vendendo a súa espada, verase implicado nunha destas intrigas cando é contratado xunto a outro mercenario, o italiano Gualterio Malatesta, para dar morte a dous misteriosos personaxes que viaxan de incógnito a Madrid. O destino de Alatriste quedará marcado cando, intuíndo algo turbio no sinistro encargo, decide perdoar a vida aos dous estranxeiros e enfrontarse a Malatesta que pretendía rematar o traballo. Esa noite conquistará un inimigo para toda a vida. Cando Alatriste descobre a quen salvou a vida, entende que terá que enfrontarse a forzas demasiado poderosas para combatelas coa espada. Pero non estará só, a bela Maria de Castro, os seus inseparables compañeiros no campo de batalla e sobre todo Iñigo, agora case un fillo para el, serán o apoio incondicional do Capitán e personaxes claves desta grande historia de aventuras.

Ficha técnica en Filmaffinity

Trailer:

Guía didáctica.