Sinopse: Achégase a romántica época do monzón e os membros da familia Verma chegan a Delhi
dende todos os puntos do globo para asistir a unha voda concertada no
último momento. "A voda do Monzón" conta cinco historias interconectadas
que exploran os distintos aspectos do amor e cruzan as fronteiras
xeográficas, sociais e morais. É unha celebración da India contemporánea
como nunca se viu antes no cine. A directora Mira Nair e a guionista Sabrina Dhawan retratan a sociedade actual de Delhi
onde todo se mestura: o antigo co moderno e a inocencia co sexo. O
estilo intimista introduce o espectador na vida dos personaxes e na
cultura punjabí de Nair, unha cultura robusta, directa e chea de vida. O público verase arrastrado dentro dunha bacanal de comida, whisky e música, elementos esenciais dunha voda no Estado de Punjab. Durante os frenéticos preparativos da voda saen a relucir as esperanzas, os temores e os segredos máis escondidos da familia. As imaxes cegadoras da cidade de Delhi
e a calor implacable reflicten a crecente intensidade da historia e
cando por fin chega a chuvia a catarse trae consigo o romance, o
descubrimento e a liberación.
Ficha técnica en Filmaffinity
Trailer:
Guía didáctica: edualter.org e baiona.org
Nenhum comentário:
Postar um comentário